यसपली को दसैं मेरो....

आज फेरी बोतल खोली,
बसेँ एउटा कुनामा एक्लै।
सबैको दसैं होला एकैनासको,
तर मेरो दसैं अली अली बेग्लै।

छन सबै आफ्नो मान्छे, अनी आफन्त पनि,
परिवार पनि छन, माया गर्ने मान्छे पनि।
पर्खेर पो बसेकी होलिन आमा मलाई,
दसैंमा त छोरा पक्कै घर आउछ कि भनी।

एउटा बोतल सकियो अर्को खोलियो,
छोडिएको बिडी पनि फेरी तनियो।
रोटी पिङ र लिङे पिङ रहरैमा बिते,
आँफै च्याँखे थापी आँफै कौडी हानियो।

यसपली को दसैं मेरो यसरी नै बित्यो,
मत्तिएर भुईमा लड्दा अधेरोले जित्यो।
बोतल माथि बोतल थपेँ, खुशी थपिएन,
बिछोडको समय मेरो अझै सकिएन...............अझै सकिएन।