सत्ते सत्ते

तिम्रो आँखा भन्दा अरु,
डुब्ने कुनै ताल छैन,
त्यो केशको रेशा झैं अरु,
चञ्चल कुनै छाल छैन,

तान्यो मलाई तिम्रो मायाले,
त्यही गतिमा म डौडिदैछु,
नयन भित्र डुबि सकें,
त्यही तालमा म पौडिदैछु,

तिम्रो हेराईमा नशा छ कि,
नजिकिदैछु दिनप्रतिदिन,
टाढा छोड्न सक्दिन म,
तिमीलाई यि आँखाबाट एकक्षण,

सपनी पो हो कि कतै,
हुन्छु कि म बेहोश मात्तिएर,
छल्किने हो कि कतै,
ब्युँझन्छु कि आत्तिएर,

नाँचिराछु जस्तो लाग्छ,
जिन्दगीको तरंगमा,
आयौ तिमी मेरो लागि,
खुशी बनि हर रंगमा,

तिम्रो मुस्कान भन्दा मिठो,
अरु कुनै मदिरा छैन,
तिम्रो न्यानो मायाको अगाडि,
यो बर्णन त केहि नि हैन,

सत्ते सत्ते
तिम्रो आँखा भन्दा अरु,
डुब्ने कुनै ताल छैन।

-Ram (for sumi)