पछेउरीको छेवैले

रातो त्‍यो पछेउरीको छेवैले,
पुछ्दैछौ कि भिजेका ति परेलीहरु,
सम्हालेर राखिदेउ ति थोपाहरु,
खुशी बनाई फर्काईदिउंला बाचा भो बरु,

सम्झनाको गहिराईमा,
डुबाईछ्यौ कि लिएर मायाका ति यादहरु,
धैर्य गरि पर्खेर त्‍यही बाटो हेरि,
बस्नु सानु म आउछु फर्कि फेरि,

मखमली त्यो चोलीको टुनैमा,
बाँधिराख्याछौ कि मनैमा लिई आशाहरु,
सपनीमा आउँला नगर्नु मन भारी,
राख्नु मन भित्रको, सानु दुबै ढोका उघारी,

रातो त्‍यो पछेउरीको छेवैले,
पुछ्दैछौ कि भिजेका ति परेलीहरु,

-राम
( मुटुभरीको माया मेरी हजुरलाइ)